"Abzas media" üzrə növbəti məhkəmə təxirə salınıb

Bakı Ağır Cinayətlər Məhkəməsində "Abzas media” işi üzrə növbəti məhkəmə prosesi təxirə salınıb. Bunu anews.az-a açıqlamasında açıqlamasında vəkil Şəhla Hümbətova deyib. 

Bildirilib ki, Abzas işi üzrə təqsirləndirilən jurnalistlərin bir qismi məhkəmə zalına gəlmədikləri üçün məhkəmə prosesi təxirə salınıb.

Bundan əvvəl vəkil Zibeydə Sadıqova bildirib ki, "Abzas media" işi üzrə ibtidai istintaq yekunlaşıb. 
 
"Abzas” media saytının direktoru Ülvi Həsənli, baş redaktor Sevinc Vaqifqızı, direktor müavini Məhəmməd Kəkalov, jurnalistlər Hafiz Babalı, Nərgiz Absalamova, Elnarə Qasımova və iqtisadçı ekspert Fərid Mehrəlizadə Cinayət Məcəlləsinin 7 maddəsi ilə ittiham olunublar.

Bunlar 206.4 (qaçaqmalçılıq mütəşəkkil dəstə tərəfindən törədildikdə), 192.3.2 (xüsusən külli miqdarda gəlir əldə etməklə qanunsuz sahibkarlıq), 193-1.3.1 (cinayət yolu ilə əldə edilmiş əmlakı leqallaşdırma, mütəşəkkil dəstə və ya cinayətkar təşkilat tərəfindən törədildikdə) maddələridir. ), 193-1.3.2 (külli miqdarda cinayət yolu ilə əldə edilmiş əmlakı leqallaşdırma), 320.1 (rəsmi sənədləri, dövlət təltiflərini, möhürlərini, ştamplarını, blanklarını saxtalaşdırma, qanunsuz hazırlama və ya satma və ya saxta sənədlərdən istifadə etmə), Azərbaycan Cinayət Məcəlləsinin 320.2 (qəsdən saxta sənədlərdən istifadə etmə), 213.2.1 (mütəşəkkil dəstə tərəfindən vergidən yayınma).
 
Bu maddələr 12 ilə qədər həbs cəzasını nəzərdə tutur.

Aytac