Bakı-Naxçıvan-Bakı avtobus reysləri fəaliyyətini bərpa edir

İran ərazisindən keçməklə həyata keçirilən Bakı-Naxçıvan-Bakı müntəzəm avtobus reyslərinin fəaliyyəti bərpa olunur. Bu barədə Azərbaycan Yerüstü Nəqliyyat Agentliyi (AYNA) çərşənbə günü məlumat yayıb.

Agentliyin açıqlamasına görə, iyulun 19-dan etibarən Bakıdan Naxçıvana, iyulun 20-dən isə əks istiqamət üzrə reyslər əvvəlki cədvələ uyğun olaraq sərnişinlərə xidmət göstərəcək.

Sözügedən reyslər Yaxın Şərqdəki son gərginliklər və təhlükəsizlik riskləri ilə əlaqədar olaraq iyunun 13-dən müvəqqəti dayandırılmışdı.