Yeddi ayda buğda və kartofun idxalında kəskin artım olub

2025-ci ilin yeddi ayında Azərbaycanda bəzi ərzaq məhsullarının idxalında əhəmiyyətli dəyişikliklər müşahidə olunub.

Dövlət Statistika Komitəsinin məlumatına əsasən, xüsusilə buğda və kartof idxalında ciddi artım qeydə alınıb.

Əsas göstəricilər aşağıdakılardır:

Buğda idxalı miqdar baxımından 40,3%, dəyər baxımından isə 36,6% artaraq 646,3 min ton və 140,1 milyon ABŞ dolları təşkil edib.

Kartof idxalı 20,2% artaraq 100 min ton, idxal dəyəri isə 64,8% artaraq 39,1 milyon dollar olub.

Təzə tərəvəz idxalı 34% artaraq 46,1 min ton, təzə meyvə isə əksinə, 16,7% azalıb – 86,4 min ton təşkil edib.

Çay idxalında miqdar 6,3% azalsa da, idxal dəyəri 10,7% artaraq 47,6 milyon dollara yüksəlib.

Kərə yağı və süd yağları üzrə idxal dəyəri 33,2% artaraq 113,6 milyon dollar olub.

Bəzi məhsullarda azalma müşahidə olunub:

Quş əti idxalı miqdar üzrə 20,6%, dəyər üzrə isə 25,2% azalıb.

İribuynuzlu heyvan əti üzrə idxal miqdarı 12,9%, dəyəri isə 13,4% azalıb.

Gülnar