Yevlaxda yanğın: 1 ölü, 2 nəfər ağır yanıq xəsarətləri ilə xəstəxanaya yerləşdirilib

Bu gecə saat 01:20 radələrində Yevlax şəhərində yerləşən yaşayış binalarından birində baş vermiş yanğın nəticəsində 1 nəfər qadın həlak olub, 2 nəfər isə ağır yanıq xəsarətləri alıb.

Fövqəladə Hallar Nazirliyindən verilən məlumata görə, yanğın zamanı 1945-ci il təvəllüdlü Mikayılova Nərgiz yanaraq ölüb. 1965-ci il təvəllüdlü Vahabova Yasəmən və 1967-ci il təvəllüdlü Mehdiyev Kamran isə ağır yanıq xəsarətləri alaraq ilkin tibbi yardım üçün Yevlax Rayon Mərkəzi Xəstəxanasına çatdırılıblar.

Vahabova Yasəmən ambulator müalicə üçün evə buraxılıb, Mehdiyev Kamran isə daha ixtisaslı tibbi xidmət üçün paytaxtdakı Nərimanov Tibb Mərkəzinin Yanıq Mərkəzinə göndərilib.

Hadisə ilə bağlı araşdırma aparılır.