Ruben Vardanyan 20 il müddətinə azadlıqdan məhrum edilib

Ermənistan vətəndaşı Ruben Vardanyan Azərbaycanda 20 il müddətinə azadlıqdan məhrum edilib.

Hökm Bakı Hərbi Məhkəməsi tərəfindən açıq məhkəmə iclasında, hakim **Zeynal Ağayev**in sədrliyi ilə elan olunub.

Vardanyan Azərbaycan Cinayət Məcəlləsinin sülh və insanlıq əleyhinə cinayətlər, hərbi cinayətlər, terrorçuluq və terrorçuluğun maliyyələşdirilməsi ilə bağlı maddələri üzrə təqsirli bilinib.

Məhkəmə prosesində təqsirləndirilən şəxs rus dilində tərcüməçi və dövlət hesabına vəkil ilə təmin olunub. İclasda dövlət ittihamçıları, zərərçəkmişlər və onların nümayəndələri iştirak ediblər.

Daha əvvəl prokuror Vardanyan üçün ömürlük azadlıqdan məhrumetmə cəzası tələb etmişdi.