Prezident və xanımı Nəriman Həsənzadəni təbrik edib

İlham Əliyev və Mehriban Əliyeva Xalq şairi Nəriman Həsənzadə-yə 95 illiyi münasibətilə təbrik məktubu ünvanlayıblar.

Məktubda şairin Azərbaycan ədəbiyyatına verdiyi töhfələr, poeziyasında vətənpərvərlik, milli dəyərlərə bağlılıq və mənəvi ucalıq ideyalarının xüsusi yer tutduğu vurğulanıb.

Təbrikdə qeyd olunub ki, Nəriman Həsənzadə poeziyada özünəməxsus üslubu ilə geniş oxucu auditoriyasının rəğbətini qazanıb, poema və mənzum pyeslərində tarixi hadisələri və görkəmli şəxsiyyətləri bədii şəkildə canlandırıb.

Məktubda həmçinin onun alim, pedaqoq və ictimai xadim kimi fəaliyyətinin Vətənə xidmət nümunəsi olduğu bildirilib və yaradıcılığının gənc nəslin milli mənlik şüurunun formalaşmasına töhfə verməyə davam edəcəyinə ümid ifadə olunub.