Cənub-Şimal nəqliyyat dəhlizinin ötürücülük qabiliyyəti artırılır

"Hər iki ölkə  nəqliyyat və logistika əlaqələrinin inkişafına xüsusi diqqət yetirir. Bu, Azərbaycanla Rusiya arasında yükdaşımaların həcmində müsbət artımı təmin edib. 2022-ci ildə ikitərəfli yükdaşımaların ümumi həcmi 21,5% artıb. Tranzit daşımaları 174% artıb”, - deyə Mustafayev "Rusiya - İslam dünyası: KazanForum” beynəlxalq iqtisadi forumunda çıxışı zamanı bildirib.

Onun sözlərinə görə, Şimal-Cənub dəhlizi prioritetdir.

 

"2022-ci ildə bu dəhlizlə tranzit yüklərin daşınması 1,5 dəfə artıb. Biz 2030-cu ilə qədər dəhlizin daşıma qabiliyyətini ildə 15 milyon tona çatdırmaq üçün əməkdaşlığa hazırıq”, - deyə o bildirib.

Mustafayev əlavə edib ki, Azərbaycan 2023-cü ildə Rusiya ilə ticarət dövriyyəsinin artımına ümid edir. "2022-ci ildə ölkələrimiz arasında ticarət dövriyyəsi 24% artıb. Bu il də belə dinamika davam edir, ümid edirik ki, daha yaxşı nəticələr əldə edəcəyik”.

Baş nazirin müavini vurğulayıb ki, Azərbaycan iqtisadiyyatına toplanmış Rusiya sərmayələri təxminən 8 milyard dollar qiymətləndirilir.