Karbon qiymət qoyma siyasətinin hazırlanması COP29 mövzusu olacaq

22.05.2024 16:48

COP29 çərçivəsində müzakirə ediləcək məsələlərdən biri də dünyada uzlaşmış karbon qiymət qoyma siyasətinin hazırlanması məsələsi olacaq. Bunu Dövlət Vergi Xidmətinin rəis müavini Samirə Musayeva bildirib.

"Dünyada 74 yurisdiksayada karbon qiymət qoyma siyasəti var. Bizə məhsul ixrac edən ölkələrin əksəriyyətində emissiyaya görə, karbon qiymət qoyma siyasəti yürüdülür və müxtəlif ölkələrdə müxtəlif sənayelər və məhsullar üzrə tətbiq edilir. Məsələn, Çin deyir ki, mən öz Çin cban tərtib edəcəm, Avropa İttifaqı da başqa cban tətbiq edir. Əslində COP kimi tədbirlərdə hədəf ondan ibarətdir ki, qlobal maraqlara cavab verən uzlaşmış təkliflər üzərində işlənilsin. Azərbaycanda təşkil ediləcək sammitdə də bu əsas müzakirə mövzularından biri olacaq”, - Musayeva Anews.az suallarını cavablandırarkən bildirib.

Onun sözlərinə görə, ümumi, uzlaşmış karbon qiymət qoyma siyasətinə nail olmaq elə də asan deyil.

Dövlət Vergi Xİdməti rəsmisi həmçinin Azərbaycanın üzərində çalışdığı dekarbonizasiya strategiyasında da bu sammit çərçivəsində qəbul edilən qərarların nəzərə alınacağını da əlavə edib.

Hazırda Azərbaycan ölkənin dekarbonizasiya strategiyası üzərində işləyir. Bu strategiyada ölkənin metan emissiyasının azaldılmasından tutmuş, özəl sektorun yaşıl layihələrə təşviqi, yaşıl kreditlərin verilməsi, karbon vergisinin tətbiqinə qədər geniş spektr əhatə olunacaq.

Hazırda Azərbaycan 2030-cu ilə qədər metan emissiyasını 40%-ə kimi azaltmaq öhdəliyini öz üzərinə götürüb.

Musayeva bildirir ki, strategiya hələ hazır olmasa da yaşıl layihələr üzərində çalışan özəl sektor təşviq olunur.

"Yaşıl layihələrin ictaçıları üçün mənffəət vergisinə 50% güzəşt nəzərdə tutulub.Tullantıların idarə olunması, alternativ enerji mənbələrindən istifadə ilə bağlı ekoloji dayanıqlılığa xidmət edən sənayelərin qurulması strateji investisiya layihələrinə daxil edilib . O siyahı prezident tərəfindən qəbul olunub. Texnologiiya parklarının rezidentlərinə vergi məcəlləsində böyük vergi güzəştləri var. Startup-lara 3 illik vergi güzəştləri verilir. Ölkə ərazisində həm elektromobil və hibrid avtomobillərin idxalı ilə bağlı vergi güzəşti var. Elektromobillərin həm idxal,ı həm də satışı vergilərdən azad edilib”, - Musayeva vurğlayıb.

Onun sözlərinə görə, neft-qaz sektoru üçün ayrıca karbon vergisi qəbul edilməsə də müəyyən ekoloji məsuliyyət yaradan vergilər tətbiq edilir.

"Bizdə neft qaz məhsullarının qiymətinin üzərində ekoloji vergi adlandıra biləcəyimiz vergilər var. Mədən və aksiz vergiləri buna misal ola bilər”, - Musayeva deyib.

N.Təbrizli

www.anews.az

Xəbəri bəyəndiniz?

Sosial şəbəkələrdə paylaş