Bakı Qlobal İqlim Şəffaflığı Platforması işə salınıb

 

"COP29-un sədri kimi bizim vəzifəmiz iqlim dəyişikliyi ilə bağlı danışıqlar prosesinin bütün iştirakçılarını dəstəkləməkdir Platforma iqlim dəyişikliyi ilə bağlı problemlərin həlli istiqamətində atılan addımlar haqqında hesabatların şəffaflığını artırır”, - Babayev bildirib.

Onun fikrincə, yalnız şəffaflıq məqsədlərinin kollektiv şəkildə təsdiqlənməsi, ikiillik şəffaflıq hesabatlarının (BTR) vaxtında təqdim edilməsi ilə irəliləyiş mümkündür.

"Azərbaycan ikiillik BTR hesabatını COP29-da təqdim edəcək”, -  Babayev vurğulayıb.

Bu yolla Azərbaycan Paris Sazişinin Genişləndirilmiş Şəffaflıq Çərçivəsində (ETF) universal iştirakın təmin edilməsini gücləndirmək istəyir.

"COP29-un Prezidentliyi gələcək nəsillər üçün iqlim fəaliyyətini şəffaf etmək üçün səylərini gücləndirmək niyyətindədir. .

 

BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyası bu ilin noyabrında Azərbaycanda keçiriləcək.

 

Bu barədə qərar ötən il dekabrın 11-də Dubayda keçirilən COP28 plenar iclasında qəbul edilib. İki həftə ərzində dünyanın mərkəzinə çevrilən Bakı 70-80 minə yaxın xarici qonaq qəbul edəcək.

Birləşmiş Millətlər Təşkilatının İqlim Dəyişikliyi üzrə Çərçivə Konvensiyası 1992-ci ilin iyununda Rio-de-Janeyroda keçirilən Yer Sammitində insanın iqlim sisteminə təhlükəli müdaxiləsinin qarşısını almaq üçün imzalanmış sazişdir. COP (Tərəflərin Konfransı) abbreviaturası İqlim Dəyişikliyi üzrə Çərçivə Konvensiyasının icrasına nəzarət edən ən yüksək qanunverici orqan olan Tərəflərin Konfransı mənasını verir.

Dünyanın 198 ölkəsi COP-a qoşulub. İlk COP  tədbiri  1995-ci ilin martında Berlində keçirilib və onun katibliyi  də Bonnda yerləşir.