Dünyada alüminium istehsalı artıb
22.01.2025 16:08
2024-cü ildə dünyada alüminium istehsalı illik müqayisədə 2,9% artaraq 72,76 milyon tona çatacaq. Bu barədə Beynəlxalq Alüminium İnstitutunun (IAI) ilkin məlumatlarında bildirilib.
Hesabata görə, Çin alüminium istehsalını 4,1% artıraraq 43,38 milyon tona, Fars körfəzi ölkələri 0,64% artaraq 6,26 milyon tona, Asiya ölkələri 3% artaraq 4,81 milyon tona çatıb.
Rusiya və Şərqi Avropa ölkələri 2024-cü ildə alüminium istehsalını 3,76% artıraraq 4,17 milyon tona, Şimali Amerika ölkələri - 2,23% - 3,98 milyon tona, Qərbi və Mərkəzi Avropa ölkələri - 4,24% - 2,83 milyon tona çatdırıblar.
Beynəlxalq Alüminium İnstitutu (IAI) dünya alüminium istehsalçılarının birliyidir. Buraya dünyanın ilkin alüminium istehsalının 60%-dən çoxunu təşkil edən dünyanın ən böyük alüminium istehsal edən şirkətləri daxildir.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
