BMT Baş katibi Quterriş səhhətinə görə Davosa səfərini ləğv edib
20.01.2026 15:45
BMT-nin Baş katibi Antonio Quterriş İsveçrəyə planlaşdırılan səfərini ləğv edib və Davosda keçirilən Dünya İqtisadi Forumunda (DİF) iştirak etməyəcək.
“Reuters”in BMT nümayəndəsi Rolando Qomesə istinadən verdiyi məlumata görə, səfər yanvarın 21-nə planlaşdırılsa da, Quterrişin səhhətində yaranan problem səbəbindən təxirə salınıb.
“Səfər sabaha nəzərdə tutulmuşdu, lakin Baş katib bərk soyuqlayıb”, – Qomes bildirib.
Qeyd edək ki, Dünya İqtisadi Forumunun 56-cı illik toplantısı İsveçrənin Davos şəhərində 19–23 yanvar tarixlərində keçirilir və tədbirdə dünya liderləri, beynəlxalq təşkilatların rəhbərləri və aparıcı şirkətlərin nümayəndələri iştirak edir.
Oxşar xəbərlər
Oxşar xəbərlər
Foto 
Video 
