Paris prokurorluğunun nümayəndəsi Maylis de Rekkin sözlərinə görə, Durov işin məhkəməyə verildiyi bütün müddət ərzində Fransada qalmalı olacaq.
Nəşr qeyd edir ki, bu vəziyyət fonunda Telegram Fransa, Belçika və Cənubi Koreyanın hüquq-mühafizə orqanları ilə daha fəal əməkdaşlığa başlayıb.
Bundan əvvəl Durov Fransada keçirilən məhkəmə iclasında bildirib ki, o, təsis etdiyi kross-platforma Telegram messencerində moderasiyanı təkmilləşdirmək niyyətindədir.
Durov avqustun 24-də axşam Fransanın Le Burje hava limanında şəxsi təyyarəsini tərk edərkən saxlanılıb. Sahibkar ölkəyə Azərbaycandan gəlib. O , qeyri-qanuni əməliyyatlar aparmaq məqsədilə onlayn platformanı idarə etmək də daxil olmaqla altı cinayətdə ittiham olunur. Telegram-ın təsisçisi 5 milyon avro girov müqabilində məhkəmə nəzarəti altına alınıb və Fransadan çıxışı da qadağan edilib.
6 dekabr 2024-cü ildə bildirildi ki, Durov ona qarşı Fransada açılan iş üzrə Paris məhkəməsində ilk dəfə ifadə verib. Söhbət Telegram və kriminal fəaliyyət arasında mümkün əlaqənin araşdırılmasından gedir. Dindirilmənin təfərrüatları açıqlanmayıb.
Aytac
www.anews.az
Bizi sosial şəbəkələrdə izləyin !
