Deputat: İlham Əliyevə Nobel Sülh mükafatı verilməlidir

Azərbaycan Prezidenti İlham Əliyev Nobel Sülh Mükafatına layiq görülməlidir. Bu fikri deputat Azər Badamov çıxışı zamanı səsləndirib.

Onun sözlərinə görə, dövlət başçısının sülh sazişinin əldə olunması istiqamətində apardığı siyasət və beynəlxalq səyləri onu qlobal miqyasda nümunəvi liderə çevirir.

Deputat bildirib ki, Prezident Əliyevin Davos Dünya İqtisadi Forumunda etdiyi çıxışlar onun siyasi baxışlarını, liderlik keyfiyyətlərini və beynəlxalq nüfuzunu bir daha nümayiş etdirib.

“Dünyada sülh üçün çalışan ölkə prezidenti kimi İlham Əliyev beynəlxalq ictimaiyyətə nümunədir. Davos forumundakı çıxışları da onun necə bir şəxsiyyət və lider olduğunu açıq şəkildə göstərir”, – Badamov qeyd edib.

Gülnar Nazimqızı