Ədəbiyyatçılarımız Azərbaycan telekanallarından hansıları izləyir, hansı verilişləri bəyənirlər, təklif və iradları nədir? Bu suallara cavab tapmaq üçün Kult.az portalı mütəmadi yazarlar arasında kiçik sorğu-müsahibələr keçirmək qərarına gəlib. Layihə çərçivəsində ilk qonaq  şair  Səlim Babullaoğludur.- Hansı telekanallara baxırsız?- Əslində məni mütəmadi bir telekanala baxan bir teleseyrçi hesab eləmək olmaz. Çünki bu və ya digər dərəcədə bütün telekanallara az da olsa baxmağa çalışıram. AzTv-də və ATV-də xəbərləri daim izləməyə çalışıram. İTV-də tematik verilişlərə, "Ortaq məxrəcə”,   "Yeni gün” proqramlarına, Space də "Mədəniyyət saatı”na, Mədəniyyət kanalında ədəbiyyyatla bağlı verilişlərə baxmağa çalışıram. - Bizim teleməkanı necə qiymətləndirirsiz? Kanallarda dəyişiklik, yenilik, inkişaf hiss olunurmu?- Sizin suala obyektiv cavab vermək üçün gərək bütün kanalların proqramlarını daim, ardıcıl izləyəsən. Mənsə bunu eləmirəm. Bir də televiziya mütəxəssisi  deyiləm, amma öz düşüncələrimi bölüşə bilərəm.  Məncə son dövrlər ən böyük dəyişiklik ATV-dədir. Məsələn, ATV-nin Xəbərləri çox fərqlidir, müxtəlif  bloklar, bloklararası keçidlər çox orijinaldır,  dinamik təqdim olunur, aktual və çağdaş görünür. Orxan Fikrətoğlunun "Nə xəbər?”dəki şərhləri,  telepublisistikası, Ceyhun Əlinin xüsusi reportajları mənim üçün maraqlıdır.  Məsələn, Lalə Əliyevanın "Günlərin bir günü” proyekti məncə uğurludur. İki buraxılışına baxdım. Yaxud, məsələn Mir Səmədin səyahətlərlə bağlı verilişinin iki sayına baxmışam. Gecə kanalları dəyişirdim, birdən gördüm və  axıradək baxdım. Çox xoşuma gəldi. Ümumiyyətlə, baxın, bu adlarını çəkdiyim aparıcıların hamısı məncə ilk növbədə ona görə maraqlıdırlar ki, sözlə düzgün davranırlar. Əlbəttə, mən ədəbiyyatçıyam, bəlkə televiziyalar üçün bu göstərici heç də birinci deyil.- ATV bizim bəzi dünya kanallarında izlədiyimiz proqramları belə deyək, milliləşdirdi.  Fort Boyard məsələn...- Düzdür... Məncə bunlar uğurlu proyektlərdir. Özü də təkcə bir porqram kimi yox, həm də bir proses kimi. Ədəbiyyatla bir analogiya aparım. Məsələn, ədəbiyyatçının formada qalması üçün onun tərcümə işinə cəlb olunması çox vacibdir. Bu onu gələcək üçün yetişdirir. Fort Boyard da məncə bu mənada maraqlı idi. Belə proyektlər  həm aparıcıların, həm rejissorların, həm də prodüsserlərin yetişməsi üçün məncə əla fürsət yaradır. Şəxsən mənim üçün o proyektdə maraqlı olan tərəflərdən biri ATV aparıcılarının bir çoxunun  bir araya gəlməsi  və necə görünməsi idi.-Nə çatışmır bizim telekanallarda?- Ədəbiyyat çatışmır. Ədəbiyyat çox azdır. Kitabdan çox az danışırıq. Bəzən reytinq məsələləri çox dartıışılır. Amma düşünmürəm ki, əl-qolu yana sallamaq lazımdır.ANN.Az