Azərbaycanın regional aeroportlarına aviareys açmaq istəyənlərə güzəşt olunacaq

Azərbaycanın regionlarında yerləşən aeroportlara yerinə yetirilən uçuşların sayı artıb.

"APA-Economics"in xəbərinə görə, bunu "Azərbaycan Hava Yolları" QSC-nin (AZAL) vitse-prezidenti Arif Məmmədov deyib.

 

"Biz bütün başqa şirkətlərə də məlumat vermişik ki, kim ora uçmaq istəyirsə, biz onlara əlavə güzəştlər verməyə hazırıq. Qəbələ, Gəncə, Lənkəran aeroportlarına qış mövsümündə mövcud aviareysləri saxlamaq üçün yenə də güzəştlər təklif etmişik", - deyə A. Məmmədov bildirib.