2025-ci ilin ilk doqquz ayında Azərbaycanın neft ixracı azalıb

2025-ci ilin yanvar–sentyabrında Azərbaycan 17,0 milyon ton həcmində, 8,94 milyard dollar dəyərində xam neft və neft məhsulları ixrac edib. Bu göstərici ötən ilin eyni dövründə 17,6 milyon ton və 11,0 milyard dollar olub. Bu barədə Gömrük Komitəsi məlumat verib. 

Azərbaycan neftinin əsas alıcısı İtaliya olub. Bu ölkə neft idxalını 6,6 milyon tondan 9,6 milyon tona yüksəldib. Çexiya 1,3 milyon ton (ötən il 1,25 milyon ton), Xorvatiya isə 1,0 milyon ton neft idxal edib (demək olar ki, dəyişməyib).

Almaniyanın idxalı 842 min tona (ötən il 704 min ton), Rumıniyanın idxalı isə 779 min tona (499 min tondan) kimi artıb. 2024-cü ildə 2,37 milyon ton neft alan İsrail  2025-ci ildə  Azərbaycandan neft idxal etməyib.  Hindistan da neft idxalını 1,09 milyon tondan 107 min tona  qədər azaldıb.

Digər əsas alıcılar arasında Portuqaliya (714 min ton), Yunanıstan (501 min ton), Böyük Britaniya (515 min ton), İrlandiya (332 min ton) və Niderland (223 min ton) yer alır.

N.Təbrizli