Sputnik Azərbaycan-ın rəhbəri Kartavıx Moskvaya qayıdıb

Sputnik Azərbaycan redaksiyasının rəhbəri İqor Kartavıx Moskvaya gəlib. O, RİA Novosti-yə açıqlamasında “Özümü normal hiss edirəm, evə qayıtdığıma görə şadam”, – deyib.

Rusiya XİN-in rəsmi nümayəndəsi Mariya Zaxarova daha əvvəl bildirmişdi ki, Kartavıx Bakıda azad edilib və Rusiyaya yola salınıb.

Xətai rayon məhkəməsinin qərarı ilə Kartavıx və redaktor Yevgeni Belousov dörd ay müddətinə həbs edilmişdi.

Onlara dələduzluq, qanunsuz sahibkarlıq və cinayət yolu ilə əldə olunmuş əmlakın leqallaşdırılması ittihamları irəli sürülmüşdü.

Oktyabrın 10-da məhkəmə Kartavıx barəsində həbs qətimkan tədbirini ev dustaqlığı ilə əvəzləmişdi.

N.Təbrizli