Azərbaycan Xalq Cəbhəsi Partiyasının (AXCP) sədri Əli Kərimlinin məhkəmə prosesi zamanı beş nəfər partiya üzvünün saxlanıldığı iddia olunur. Bu barədə AXCP-nin sədr müavini Seymur Həzi sosial şəbəkə hesabında yazıb.
O bildirib ki, polis məhkəməyə gələnləri ərazidən uzaqlaşdırır.
"3-cü mikrarayon dairəsində belə toplaşmağa imkan verilmir. Saxlanılanlar var. Zorakılığın miqyası Əli Kərimlinin həbs ediləcəyi ehtimallarını artırır. Saxlananların ilkin siyahısında Gülnarə Rahimova (AXCP üzvü), Ruslan Əmirov (AXCP üzvü), Elçin Hacıvəlli (AXCP Goranboy rayon şöbəsininn sədri), Vidadi Mirkamal (Milli Şuranın üzvü), Rövşən Səfərov (AXCP üzvü)",- yazıda qeyd olunub.
Daxili İşlər Nazirliyi məsələni araşdırdığı deyilir.
Kərimli barəsində AXCP-nin sabiq partiya üzvü Əliyev Aydın Sədədqulu oğlu məhkəməyə müraciət edib. Aydın Əliyev müraciətində Kərimlinin şəxsiyyətin azadlığı və ləyaqəti əleyhinə olan cinayətlər bölümü ilə əlaqədar xüsusi ittiham qaydasında cəzalanmasını istəyib.
Aytac
www.anews.az
Bizi sosial şəbəkələrdə izləyin !
