Ərdoğan Nazirlər Kabineti ilə Ukraynadakı vəziyyəti müzakirə etmək niyyətindədir
06.01.2025 15:46
Yanvarın 6-da Ankarada Türkiyə prezidenti Rəcəb Tayyib Ərdoğanın sədrliyi ilə keçirilən Nazirlər Kabinetinin iclasının gündəliyinə Rusiya ilə Ukrayna arasında münaqişə daxil olub. Bu barədə hökumətyönlü "Hürriyet” qəzeti mənbələrə istinadən məlumat yayıb.
"Rusiya ilə Ukrayna arasındakı müharibə, İsrailin Qəzza zolağına hücumları müzakirə olunacaq. Nazirlər Kabinetinin xarici siyasətinin əsas mövzusu Suriyadakı son hadisələr olacaq ” , - nəşr qeyd edir.
Qəzetin yazdığına görə, Ərdoğan Suriyaya ezam olunmuş nazirlərin hesabatlarını dinləmək niyyətindədir.
"İnfrastruktur, enerji və kənd təsərrüfatı sahəsində ehtiyaclar müzakirə olunacaq. Suriyalıların təhlükəsiz geri qayıtmasında əldə olunan mərhələ və yol xəritəsi nəzərdən keçiriləcək”, - nəşr yazır.
Bundan əvvəl Ərdoğan Ankarada Avropa Komissiyasının sədri Ursula fon der Leyen ilə danışıqlardan sonra keçirdiyi brifinqdə Türkiyənin Ukraynada tezliklə atəşkəs əldə edilməsinin zəruriliyi ilə bağlı vizyonunu Aİ-yə çatdırdığını bildirib.
Aytac
www.anews.az
Oxşar xəbərlər
Oxşar xəbərlər
Foto 
Video 
