Axar.az Ermənistan mediasına istinadən xəbər verir ki, “azərbaycanlı diversant” kimi təqdim edilən şəxsin adı açıqlanmayıb. Foto isə həddən artıq keyfiyyətsizdir və tanınma imkanı vermir.  Qeyd edək ki, erməni tərəfi Tərtərdən Kəlbəcərə keçən “iki azərbaycanlı diversantın” 37 yaşlı qadın Karine Davtyanı yaraladığı, 42 yaşlı mayor Sarqis Abyramyanı öldürdüyünü bildirib. “Diversant” kimi təqdim edilənlərdən birinin öldürüldüyü (adı açıqlanmır), digərinin isə - Şahbaz Quliyevin - əsir götürüldüyü qeyd olunur.Tərtər rayon sakini, 1968-ci il təvəllüdlü Quliyev Şahbaz Cəlal oğlunun isə Azərbaycan Silahlı Qüvvələrində xidmət etmədiyi, adi KamAZ sürücüsü olduğu və mülki vətəndaş kimi əsir düşdüyü barədə Azərbaycan tərəfi Beynəlxalq Qırmızı Xaç Komitəsinə müraciət edib.ANN.Az