"APA-Economics"in məlumatına görə, görüşdə ASC-nin İdarə Heyətinin sədri Rüfət Quliyev, Müşahidə Şurasının üzvü Qəzənfər Paşayev, fabrik direktoru Elşad Nadirov, aidiyyəti şöbələrin müdirləri və digər rəsmi şəxslər iştirak ediblər. İşləyən və işləməyən səhmdarlar da daxil olmaqla 100 nəfərdən artıq nümayəndə görüşdə olub.
Görüş zamanı səhmdarlar Firuzə Şahnəzərova, Raya Şirinova, Valeh Quliyev, Xeyransa Eyvazova, Səmayə Qəhrəmanova və səhmdarların vəkili Xəlifə Rəsulov səhmlərin sayı, dividendlərin məbləği ilə əlaqədar onları maraqlandıran sualları Rüfət Quliyevə ünvanlayıblar. Rüfət Quliyev və Qəzənfər Paşayev səsləndirilmiş sualları ətraflı cavablandırıblar. Onlar qeyd edib ki, ASC-nin təsisçisi "SOREX Management İNC"-in rəhbərliyi ilə aparılan danışıqlar nəticəsində qərara alınıb ki, təsisçinin hesabına səhmdarlara xüsusi olaraq kömək məqsədilə 51 min manat məbləğində dividend ödənilsin. Həmin dividentlər cari ilin may ayının III dekadasında səhmdarlara ödəniləcəkdir.
Həmçinin səhmdarların 2015-ci ilin yekunlarına görə iclası keçirildikdən sonra onlara həmin ilin dividentləri də ödəniləcək.
Həmçinin görüşdə təklif olunub ki, səhmdarlarla əlaqələri daha da yaxşılaşdırmaq, onların problemlərinin operativ həll olunması üçün hər iki tərəfdən 4-5 nəfərdən ibarət komissiya yaradılsın. Qeyd edilib ki, belə komissiya onlarda artıq fəaliyyət göstərir.
Səhmdarlar sonda ölkə rəhbərliyinə dərin minnətdarlığını ifadə edib, müəssisədə görülən və görüləcək işlərdən öz razılıqlarını bildirib, xahiş ediblər ki, problemlərinin həlli həmişə müəssisə rəhbərliyinin diqqət mərkəzində olsun. Onların bu xahişi müsbət cavablandırılıb.
www.ann.az
Bizi sosial şəbəkələrdə izləyin !
