Amma deyəsən, bu evə heyran qalan təkcə mən deyiləm. Qapının önündə dayanıb ona tamaşa edən xarici turistlər mənzərəyə tamaşa etdikcə, öz dillərində bir-biriləri ilə söhbət edirlər. Simalarında gördüyüm məmnun ifadədən, təbəssümdən düşündüklərini hiss etmək olur. Bələdçiləri olan qadın tərcüməçi evin qapısını dəfələrlə döyməsinə baxmayaraq qapıya çıxan olmadı. Elə bu zaman oradan keçən oğlan "Əli müəllim evdə yoxdur, amma tezliklə gələcək” –deyərək yoluna davam elədi. 

Turistlər də, mən də Əli Şəmsini – bu istedadlı rəssamı, onu digər əsərlərini görə bilmədiyimiz üçün məyus olduq, amma içəri girə bilməsək də qapıda, onun kənarlarında təsvir olunan mənzərə Əli müəllimin necə bir sənətkar olduğunu göstərirdi. 

Bu dəfə fürsəti əldən qaçırmayıb gördüklərimiz oxucularımızla bölüşmək istədim, buyurun, baxın.