Gürcülər Soçi Olimpiadasını boykot etdi

Etirazçılar Gürcüstanın torpaqlarını işğal etmiş ölkədə keçirilən olimpiyadada iştirak etməyin milli maraqlara zidd olduğunu bildirib.

Gürcüstanda yüzlərlə insan Tbilisi küçələrinə çıxaraq, Gürcüstanlı idmançıları 2014-cü il Soçi Qış Oyunlarını boykot etməyə çağırıb. 

“Etirazçılar “Qanlı olimpiyadanı boykot edin” və “Olimpiya ruhu oğurlanıb” şüarlı plakatlar nümayiş etdirib. Onlar Gürcüstanın torpaqlarını işğal etmiş ölkədə keçirilən olimpiyadada iştirak etməyin milli maraqlara zidd olduğunu bildirib. Oxşar nümayişlər Gürcüstanın digər 4 şəhərində baş tutub. 

Qeyd edək ki, Gürcüstan Olimpiya yığmasından Soçi oyunlarına 5 fiqurlu konkisürən və dağüstü xizəkçi qatılacaq. 

Xatırladaq ki, Gürcüstan və Rusiya arasındakı diplomatik münasibətlər 2008-ci ilin müharibəsindən sonra kəsilib.//anspress

Qaynar.info