Cəlilabad rayon sakini atdan yıxılaraq ölüb

Cəlilabad rayon sakini bədbəxt hadisə nəticəsində ölüb.

"Report"un məlumatına görə, hadisə Biləsuvar rayonu Ovçubərə kəndi ərazisində yerləşən obada qeydə alınıb.

Belə ki, Cəlilabad rayonunun Günəşli kənd sakini 1984-cü il təvəllüdlü Əliyev Tofiq Allaverən oğlu ata minmək istəyən zaman yıxılıb və ayağı üzəngiyə ilişib. Daha sonra at onu sürüyüb. Nəticədə T. Əliyev aldığı xəsarətlərdən hadisə yerində ölüb.

Faktla bağlı araşdırma aparılır.