Nüvə zənginləşdirməsindən imtina olmayacaq -İran Trampa qapını göstərdi

Tehran ABŞ-ın təzyiqlərinə baxmayaraq, dinc nüvə proqramından imtina etməyəcək və bunu danışıqların şərti kimi qəbul etmir. Bunu İran prezidenti Məsud Pezəşkian şənbə günü bəyan edib.

“Biz uranın zənginləşdirilməsi məsələsində güzəştə getməyəcəyik,” –  İranın xarici işlər naziri Abbas Əraqçi bildirib.

O əlavə edib ki, etimad yaratmaq məqsədilə zənginləşdirmə səviyyəsini tənzimləməyə hazırdırlar.

İranla ABŞ arasında dördüncü qeyri-birbaşa danışıqlar raundu Maskatda keçirilib. Danışıqlar Vaşinqtonun xəbərdarlıqları fonunda baş tutub. ABŞ prezidentinin xüsusi nümayəndəsi Stiven Vitkoff bildirib ki, “bazar günü nəticə əldə olunmasa, danışıqlar dayandırılacaq və başqa yol seçiləcək”.

CNN-ə danışan adını açıqlamayan İran rəsmisi bildirib ki, Tehran danışıqları “tələ” və “siyasi oyun” kimi görür və uğursuzluq ehtimalına hazırlaşır.

ABŞ prezidenti Donald Tramp ikinci müddətə seçildikdən sonra İranla yeni nüvə razılaşması bağlamağa çalışsa da, mart ayında Tehrana qarşı hərbi zərbələr və tariflərlə hədələyib.

N.Təbrizli