Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev "Forbes” jurnalında Laçın yolu ətrafındakı vəziyyətlə bağlı məqalənin müəllifi Evelina Oçabi tənqid edib.
"Evelina Ochab, sizin Forbes-də dərc olunan məqaləniz reallığı təhrif edir, birtərəflidir və Ermənistanın təbliğat/dezinformasiya maşını tərəfindən istifadə olunur", - Hacıyev çərşənbə günü Tvitter hesabında yazıb.
O qeyd edib ki, hüquq müdafiəçisi kimi materialın müəllifi "Ermənistan tərəfindən etnik təmizləməyə məruz qalmış bir milyondan artıq azərbaycanlının hüquqları və acınacaqlı vəziyyəti ilə bağlı heç vaxt məsələ qaldırmayıb”.
Prezidentin köməkçisi əlavə edib ki, Azərbaycan Ermənistanın 30 illik dağıdıcı hərbi işğalından əziyyət çəkib, "amma siz bütün bunlara susmusunuz”.
O, məqalədə Azərbaycanın Ağdam-Xankəndi yolundan ölkənin Qarabağ bölgəsinə malların gətirilməsi Hacıyev üçün istifadə edilməsi təklifinin qeyd olunmamasına da diqqət çəkib.
"Ermənistanın himayə etdiyi marionet separatçı rejim Azərbaycanın Qarabağ bölgəsində yaşayan erməniləri girov saxlayır”, - Hacıyev yazıb.
O, əlavə edib ki, hüquq müdafiəçisi statusu neytrallıq, siyasi manipulyasiyadan uzaqlaşmaq, obyektivlik və ədalət tələb edir və Forbes-in "birtərəfli təbliğat” üçün platforma təqdim etməsindən təəssüflənir.
N.Təbrizli
www.anews.az
Bizi sosial şəbəkələrdə izləyin !
