Rusiya Kiyevi raket atəşinə tutur - BİNA YANIR/FOTOLAR
25.02.2022 07:26
Rusiya Slahlı Qüvvələri Ukrayna paytaxtını qanadlı və ballistik raketlərlə atəşə tutur. Səhər saatlarında bir neçə saniyəlik fasilə ilə iki partlayış səsi eşidilib. Bina xəsarət alıb, yanğın baş verib. Bu barədə daxili işlər nazirinin müşaviri Anton Qeraşenko öz Teleqram kanalında məlumat verib.
O, həmçinin kanalında Kiyevdəki partlayış yerindən fotoları dərc edib. Bu fotolarda yaşayış binasında yanğını görmək olur.
Başqa bir şəkildə, Geraşenkonun sözlərinə görə, xilasedicinin əlində "düşmən təyyarəsinin bəzi detalları"nı görmək olur.
Anton Qeraşenko bu günün Ukrayna üçün xüsusi çətin olacağını bildirib. Onun sözlərinə görə, kəşviyyat xidməti Rusiyanın cümə günü əsasən Kiyevi hədəfə alacağ barədə məlumat əldə edib.
Kiyevdə yanan binadan fotolar
Ukrayna prezidenti Vladimir Zelenski özü və ailəsinin Rusiyanın əsas hədəfində olduğunu bildirib. Onun sözlərinə görə, buna baxmayaraq o ailəsi ilə hazırda Kiyevin mərkəzindəki iqamətkahındadır.
Ukrayna kəşfiyyatında Rusiyaya məxsus bir neçə diversiya qrupunun Kiyevə daxil ola bilməsi barədə məlumat var . Amma onların hansı sabotaj xarakterli əməliyyatlar planlaşdırdığı barədə məlumat verilmir.
Britaniya müdafiə orqanlarının verdiyi məlumata görə, Rusiya hərbi sahədə bir gündə əldə etmək istədiyi uğurlara nail ola bilməyib. Rusiya hərbiçiləri Çernobıl Atom Elektrik Stansiyasını ələ keçirsələrə də Ukrayna Silahlı Qüvvələri Çerniqov istiqamətində uğurlar əldə edə bilib.
Aytac Zeynalova
www.anews.az
Son xəbərlər 
Daha çox
Foto 
Video 
