Hüquq müdafiəçisi Rüfət Səfərova cinayət işi açılıb - Yenilənib
03.12.2024 22:40
(Vəkilin açıqlaması əlavə olunub)
Hüquq müdafiəçisi Rüfət Səfərovun saxlanıldığı iddia olunur. Bu barədə jurnalist Şəmşad Ağa öz sosial hesabında yazıb.
"Rufat Safarovu təxminən 20 dəqiqə öncə saxlayıblar. İndi atası ilə danışdım. Dedi evə gələndə saxlayıblar. Amma niyə, səbəb nədir? Detalları bilmirlər.
Rüfətə də zəng çatmır. Onun hazırda Binəqədidə 5-ci Polis Bölməsində olduğu bildirilir", - jurnalist yazıb.
Onun saxlanılması ilə bağlı hələlik hüquq-mühafizə orqanları hər hansı bir açıqlama verməyib.
***
DİN-in Mətbuat Xidmətindən bildirilib ki, torpaq alqı-satqısı ilə əlaqədar Rüfət Səfərovla bir nəfər arasında münaqişə olub. Bununla bağlı araşdırma aparılır.
***
Rüfət Səfərova Cinayət Məcəlləsinin 178.3.2. (dələduzluq) və 221.1. (xuliqanlıq) maddələri ilə ittiham verilib. Bu barədə onun vəkili Cavad Cavadov facebook hesabında məlumat verib.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
