Tədbirdə həmçinin Yasamal RİH-in məsul şəxsləri də iştirak ediblər. Sakinləri salamlayan İcra Hakimiyyətinin başçısı Elşad Həsənov onlardan təklif və müraciətləri bərədə ətraflı danışmağı xahiş etdi. İlk öncə söz alan Yasamal rayon sakinləri Azərbaycan Respublikasının Prezidenti cənab İlham Əliyevə vətəndaşların hakimiyyət orqanları tərəfindən mütəmadi qəbuluna dair tapşırığına görə dərin minnətdarlığını ifadə etdilər. Daha sonra Yasamal rayonunun sakinləri tikinti şirkətləri ilə vətəndaşlar arasında kompensasiya məbləğinə dair ixtilaflar, mənzil növbəsi, qəzalı evlərin söküntüsü, tikinti qaydaları, yaradıcı tədbirlərə dəstək və müxtəlif məsələləri əhatə edən sosial mövzular qaldırdılar.