İranın Narkotiklərlə Mübarizə Qərargahının baş katibi Eskəndər Momeni narkotiklərin qanunsuz dövriyyəsi ilə mübarizədə beynəlxalq yardımın vacibliyini vurğulayıb. O, IRNA-ya bildirib ki, beynəlxalq qurumların hesabatlarına əsasən, narkotik ticarətinin aşkarlanmasının təxminən 92%-i İslam Respublikasında baş verir və ölkə bu məsələdə tamamilə təkdir.
Narkotiklərlə bağlı hüquq-mühafizə orqanlarının əhəmiyyətli xərclərinə sərhədlərin bağlanması, qaçaqmalçılıqla mübarizə, narkotiklərin tranzitinin aşkar edilməsi və monitorinqi, tələbatın azaldılması, müalicənin təmin edilməsi və s. daxildir. Rəsmi əlavə edib ki, İran beynəlxalq təşkilatlardan heç bir yardım almır.
Eskəndər Momeninin sözlərinə görə, BMT-nin Narkotiklər və Cinayətkarlıqla Mübarizə İdarəsi 1999-cu ildə Tehranda ofis açıb və o vaxtdan İran narkotiklərə nəzarət sahəsində BMT ilə yaxşı əməkdaşlıq qurub. Lakin İranın hərəkətlərinin bəyənilməsinə baxmayaraq, BMT maliyyə cəhətdən əsasən Qərb və Avropa ölkələri olan donor ölkələrdən asılıdır.
Eskəndər Momeni İranın narkotiklərin qanunsuz dövriyyəsi ilə mübarizədə ən mühüm probleminin ölkənin ən böyük narkotik istehsalçısı olan və son vaxtlar metamfetaminin əsas istehsalçısına çevrilmiş Əfqanıstanla həmsərhəd olması faktını vurğulayıb.
Gülnar
www.anews.az
Bizi sosial şəbəkələrdə izləyin !
