"İtkin düşən şəxslərin vətəndaşı olduğu dövlətin ərazisindən kənarda olması hallarının sayı artır. Həmçinin itkin düşən şəxslər problemi və insanların itkin düşməsinin səbəbləri getdikcə daha çox fərqlənir. Məsələn, miqrasiya böhranına baxsaq, silahlı münaqişələr, qaçqınlıq, insan tərəfindən törədilən fəlakətlər və cinayətkar fəaliyyətlər səbəbindən itkin düşən şəxsləri görərik.Bu müxtəlif vəziyyətlər fərqli qurumların cəlb edilməsini tələb edir və nəticədə məlumatlar mövcud olsa da, istifadəyə yararlı olmur, çünki bu məlumatlar ya hamı üçün, ya da lazım olan şəxslər üçün əlçatan deyil”, - Kleiser bildirib.
Onun sözlərinə görə, məxfiliyi qorumaq şərti mərkəzləşdirilən məlumat emalı sistemlərinin yaradılması və tətbiqi olduqca vacibdir.
Kleisterin fikrincə, Azərbaycan kontekstində, xüsusən də əsirlər, girovlar və itkin düşən şəxslər üzrə Dövlət Komissiyasının rolu nəzərə alınaraq, belə sistemlər daha da genişləndirilə və əlçatan edilə bilər. Həmçinin bu sistemlər Avropa və digər regionlarda da genişləndirilməlidir.
"Başqa ölkələrin Azərbaycan tərəfindən inkişaf etdirilən və inkişaf etməkdə olan təcrübələrdən dərs çıxara biləcəyini nəzərə alsaq, yalnız Aralıq dənizi regionuna və Aİ üzv dövlətlərinə nəzər yetirmək kifayətdir”, - Kleiser deyib.
Onun sözlərinə görə, Avropada, Aİ üzv dövlətlərinin ərazilərində itkin düşən təxminən 9000 miqrantın taleyini müəyyən etmək üçün heç bir mərkəzləşdirilmiş sistem mövcud deyil.
"Ona görə də, hər hansı bir inkişaf bu cür tələblərə də yönəlməlidir.
Biz texniki imkanların necə təkmilləşdirilməsi barədə əvvəllər də müzakirələr aparmışıq. Biz DNK-nın istifadəsi barədə məlumat əldə etmişik və bu sahədə ciddi inkişaf var”, - İCMP təmsilçisi bildirib.
Bu gün dünyada DNK texnologiyasından istifadə edərək itkin düşən şəxslərin müəyyən edilməsində böyük irəliləyişlər əldə edilib.
N.Təbrizli
www.anews.az
Bizi sosial şəbəkələrdə izləyin !
