Jurnalistlərin təzə evə köçü başladı

Dünən evlərinin sənədlərini və açarlarını alan jurnalistlər artıq Bibiherybətdə yerləşən binaya köçməyə başlayıblar. Bu gün səhərdən başlayan köç prosesində Modern.az saytının redaktoru Xaqani Səfəroğlu da var. 

“Artıq əşyalarımızın bir hissəsini evə gətirmişik. Digər hissəsini də sabah gətirəcəyik. Hər kəs avadanlıqları öz hesabına daşıyır”, – deyə o bildirib. 

“Yeni Azərbaycan” qəzetinin əməkdaşı Nardar Bayramlı isə mənzilə ilin sonunadək köçəcəyini bildirib. Qəzetin digər əməkdaş Nadir Azəri isə məişət problemlərilə bağlı 28 dekabrdan sonra mənzilində məskunlaşacaq. “Başım işlərə qarışıb, hələ vaxtım yoxdu”.

“Ədalət” qəzetinin əməkdaşı Etibar Cəbrayıllı da evinə 31 dekabrda köçəcək jurnalistlər sırasındadır. 

“Reytinq” qəzetinin baş redaktoru Afiq Mirzəbəyli isə bildirib ki, hazırda xırda-para təmir işləri apardığından köçü bir ay sonraya saxlayıb.

ANN.Az