“KazMunayQaz”-ın Azərbaycan nefti hesabına Aralıq dənizinə daşımaları artıb

15:18 | 20.05.2024
“KazMunayQaz”-ın Azərbaycan nefti hesabına Aralıq dənizinə daşımaları artıb

“KazMunayQaz”-ın Azərbaycan nefti hesabına Aralıq dənizinə daşımaları artıb

2024-cü ilin yanvar-martında Qazaxıstanın "KazMunayQaz” (KMG) şirkətinin dəniz yolu ilə  neft nəqlinin ümumi həcmi Aralıq dənizi və Xəzər dənizlərindəki həcmlərin artması sayəsində 3,46 milyon tona çatıb ki, bu da  65,2 %-lik artım deməkdir. Bu barədə şirkətin mətbuat xidməti məlumat yayıb. 
 
Məlumatda bildirilib ki, Bakı-Tbilisi-Ceyhan (BTC) əsas neft boru kəməri ilə nəql edilən Azərbaycan nefti hesabına Aralıq dənizinə daşıma artıb. Xəzər dənizində həcmlərin artması Aktau limanı – Mahaçqala limanı və Aktau limanı – Bakı limanı marşrutları üzrə daşımaların həcminin artması ilə bağlıdır.
 
Cari ilin 3 ayında şirkətin magistral və dəniz yolu ilə neft nəqli 21 milyon 541 min ton təşkil edib, bu da 14,2% artımdır.
 
Bildirilib ki, hesabat ərzində magistral boru kəməri ilə nəql edilmiş neftin həcmi 18 milyon 081 tona çatıb ki, bu da 7,9% artım deməkdir. 
 
"Artım neftin Avropaya ixrac həcminin çoxalması, həmçinin Aktau limanından neft tranzitinin və neft daşımalarının həcminin artması ilə əlaqədar olub”, – məlumatda qeyd olunub.

Hazırda BTC neft kəməri ilə "Azəri-Çıraq-Günəşli” yataqlar blokundan hasil ediən neft və "Şahdəniz” yatağından çıxarılan qaz kondensatı, həmçinin SOCAR hasil etdiyi dan neft və qaz kondensatı nəql eilir. 

BTC neft kəmərinin uzunluğu 1768 min kilometrdir. Bunun da  443 kilometri Azərbaycan, 249 kilometri Gürcüstanda, 1076 kilometri Türkiyə ərazisindən keçir.  Kəmərin ötürmə qabiliyyəti ildə 50 milyon tondan artıqdır. 

BTC Co.-nun səhmdarları  bp (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); Itochu (3,4%); ExxonMobil (2,5%); INPEX (2,5%), TotalEnergies (5%) və ONGCVidesh (2,36%) şirkətləridir.
 
2023-cü ilin dekabrında Equinor BTC layihəsindəki payını SOCAR-a satmaq barədə müqavilə imzalayıb. Tərəflərin bir sıra öhdəlikləri yerinə yetirildikdən sonra əməliyyat başa çatmış hesab ediləcək.
 
Aygün

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb