Kilsələri yandıran cinayətkarlar həbs olundu

Tatarıstanda kilsələri yandırmaqda şübhəli bilinən beş nəfər saxlanılıb. ANS PRESS-in Rusiya mətbuatına istinadən verdiyi məlumata görə, saxlanılanların hamısı 22 yaşdan 35 yaşa qədər olan Çistopolya rayonu sakinləridir. Onların müsəlman olduğu bildirilir. Onlar ölkədə iki pravoslav kilsəsini yandırmaqda şübhəli bilinirlər. Cinayətkarlar istintaqa verdikləri ilkin ifadələrində bildiriblər ki, kilsələri yandırmaq fikrinə ilk dəfə bu ilin sentyabr ayında gəliblər. Amma ilk kilsəni noyabrın ortasında yandırıblar.Cinayətkarlar ilk yanğını noyabrın 17-də, gecə yarısı Çistopolya rayonunun Vişnyovski küçəsində yerləşən məbədində törədiblər. Növbəti yanğın hadisəsi isə həmin gün səhər saat 5 radələrində qonşu Novoşeşminski rayonunun Lenin kəndində baş verib. Cinayətkarlar əllərindəki yanar maye ilə doldurulmuş qabları müqəddəs Dimitri Solunskinin adını daşıyan kilsənin pəncərəsindən içəri ataraq qaçıblar. Nəticədə ibadət evi tamamilə yanaraq kül olub. Yerli polisin verdiyi məlumatda qeyd olunur ki, cinayətkar dəstə digər pravoslav məbədlərinin yandırılmasında şübhəli bilinirlər. Belə ki, noyabrın 28-də Mamadışski rayonundakı kilsə, noyabrın 29-da isə qonşu Rıbno-Slobodskoqo rayonundakı Xaç suyuna salınmış Kazılisi kilsəsi yandırılıb. Qeyd edək ki, hər iki kilsə kryaşen icmaların — xristianlığı qəbul etmiş tatarlara məxsusdur.Birinci üç hadisə ilə bağlı Rusiyasının Cinayət Məcəlləsinin "Vandalizm", "Yanğın" və "Vicdan azadlığının və dinlərarası münasibətlərin pozulması" maddələri ilə cinayət işi qaldırılıb. Tatarıstan Baş prokurorluğu daha bir maddənin - "Terror aktı" maddəsinin cinayət işinə əlavə olunmasını təkid edir.ANN.Az