Ukrayna Silahlı Qüvvələrinin Baş Qərargah binasına Kiyevdə partlayışlar nəticəsində ziyan dəyib. Bu barədə  Ali Radanın keçmiş deputatı İqor Mosiyçuk bildirib. 

"O gecə... Ukrayna Silahlı Qüvvələrinin Baş Qərargahının binalarından birinə zərbə endirildi,” - o, Telegram kanalında hadisə yerindən foto paylaşaraq yazıb.

Mosiyçuk başqa detallar təqdim etməyib.

Ukrayna Silahlı Qüvvələrinin Baş Qərargahı qeyd edib ki, 29-dan 30-a keçən gecə Rusiya 62 Shahed tipli və növü naməlum digər PUA-larla hücum edib. Saat 07:00-a olan məlumata görə, Kiyev, Çerkası, Xmelnitski, Xarkov, Zaporojye, Donetsk, Dnepropetrovsk, Sumı, Çerniqov və Poltava vilayətlərində 33 düşmən PUA-sı məhv edilib. 25 PUA isə ləğv edilib.

Rus qoşunlarının Kiyevə hücumu nəticəsində vurulan pilotsuz uçuş aparatının qalıqları Solomenski rayonunda çoxmərtəbəli yaşayış binasına düşüb. Şəhər administrasiyası yanğın nəticəsində aralarında bir uşağın da olduğu doqquz nəfərin xəsarət aldığını bildirib. Rayonda inzibati bina və uşaq bağçası da zərər görüb.

N.Təbrizli