Korrupsiyaya qarşı mübarizə üzrə Komissiyasına yeni üzvlər təyin edilib

Azərbaycan Respublikasının Korrupsiyaya qarşı mübarizə üzrə Komissiyasına Ziyafət Əsgərov, Arzu Nağıyev, Əminə Ağazadə, Vüqar Gülməmmədov, Fərid Hacıyev təyin edilib. 


Bu, Milli Məclisin bu gün keçiriləcək iclasında müzakirəyə çıxarılacaq "Azərbaycan Respublikasının Korrupsiyaya qarşı mübarizə üzrə Komissiyasının üzvlərinin təyin edilməsi haqqında" qərar layihəsində əksini tapıb.

Komissiya 15 nəfər üzvdən ibarət tərkibdə təşkil edilir və fəaliyyət göstərir. Komissiyanın 5 üzvü Azərbaycan Respublikasının Prezidenti tərəfindən, 5 üzvü Azərbaycan Respublikasının Milli Məclisi tərəfindən, 5 üzvü isə Azərbaycan Respublikasının Konstitusiya Məhkəməsi tərəfindən təyin edilir.


Bundan əvvəl Milli Məclisi tərəfindən təyin olunmuş Komissiya üzvləri Milli Məclis sədrinin sabiq müavini Adil Əliyev, sabiq deputat Elşad Mirbəşir, deputatlar Əminə Ağazadə, Arzu Nağıyev və Milli Məclis Aparatının rəhbəri Fərid Hacıyev olub.

www.anews.az