• $ 1.7
  • € 1.7533
  • ₽ 1.7526
  • ₺ 0.0472
  • £ 2.1077

Bakı Musiqi Akademiyasında Listin büstü açılıb

Bakı Musiqi Akademiyasında Listin büstü açılıb
13.06.2022 21:21
Məşhur macar bəstəkarı, virtuoz pianoçu, müəllim, dirijor, publisist, musiqi romantizminin görkəmli nümayəndəsi Frans Listin (1811-1886)  büstünün bu gün Üzeyir Hacıbəyli adına Bakı Musiqi Akademiyasında açılış mərasimi keçirilib. 

Tədbirdə Macarıstanın Azərbaycandakı səfiri Viktor Sederkeni, SSRİ-nin və Azərbaycanın xalq artisti,  Üzeyir Hacıbəyli adına Bakı Musiqi Akademiyasının rektoru, tanınmış pianoçu, bəstəkar Fərhad Bədəlbəyli, Azərbaycan Mədəniyyət Nazirliyinin nümayəndələri, BMA-nın professor-müəllim heyəti və tələbələri, Macarıstanın ölkəmizdəki səfirliyinin nümayəndələri iştirak edib. 

Büstün müəllifi Azərbaycanın xalq rəssamı, "Şöhrət" ordeni ilə təltif edilmiş, tanınmış Azərbaycan heykəltaraşı Natiq Əliyevdir.

"Bu büst müəllifi Natiq Əliyev və Bakı Musiqi Akademiyasının prorektoru Yeganə Axundovanın akademiyaya hədiyyəsidir", bu barədə büstün açılış mərasimində akademiyanın rektoru Fərhad Bədəlbəyli bildirib.

Macar bəstəkarının musiqi irsinin böyük pərəstişkarı olduğunu bildirən Natiq Əliyevin sözlərinə görə, Frans Listin büstü onun musiqi xadimlərinə həsr etdiyi ilk əsəri deyil. 
 
"Ferens List təkcə görkəmli bəstəkar, musiqiçi deyil, həm də əla müəllim, gözəl söz və şeir ustadı olub. Onun  akademiyamızda büstünün açılması təhsil ocağımız üçün əlamətdar hadisədir", - Yeganə Axundova bildirib. 

Macarıstanın Azərbaycandakı səfiri Viktor Sederkeni də Listin büstünün Musiqi Akademiyasında açılışını şərəfli hadisə adlandırıb. "Bundan sonra Azərbaycanın görkəmli bəstəkarı Üzeyir Hacıbəylinin də büstünün Budapeştdəki List Akademiyasında qoyulması yaxşı olar və iki musiqi ocağı arasında əməkdaşlıq əlaqələrini daha da sıxlaşdırar",  - deyə səfir bildirib. 

Tədbir əsnasında Üzeyir Hacıbəyli adına Bakı Musiqi Akademiyası ilə Budapeştdəki List Akademiyası arasında əməkdaşlıq memorandumu imzalanıb.

Büstün açılışından sonra  BMA-nın və Bülbül adına Orta İxtisas Musiqi Məktəbinin tələbələrinin ifasında görkəmli macar bəstəkarının əsərləri səsləndirilib.

N.Təbrizli


www.anews.az
Oxşar xəbərlər
Oxşar xəbərlər
Azərbaycanın Rusiyadakı səfiri Putin üçün mahnı ifa edib  -  VİDEO
Mədəniyyət 10:57
Azərbaycanın Rusiyadakı səfiri Putin üçün mahnı ifa edib - VİDEO
Vatikan Azərbaycanı Alban kilsəsinin beşiyi kimi tanımağa çağırıb
Mədəniyyət 16:08
Vatikan Azərbaycanı Alban kilsəsinin beşiyi kimi tanımağa çağırıb
Mədəniyyət Nazirliyinin sabiq əməkdaşı azadlığa buraxılıb
Mədəniyyət 17:09
Mədəniyyət Nazirliyinin sabiq əməkdaşı azadlığa buraxılıb
Bakıda
Mədəniyyət 13:25
Bakıda "Avropanın rəngləri" sərgisi təşkil olunub - FOTOLAR
Vaqif Mustafayev Prezident tərəfindən təltif olunub
Cəmiyyət 15:59
Vaqif Mustafayev Prezident tərəfindən təltif olunub
Heykəltaraş Natiq Əliyev  beynəlxalq müsabiqənin laureatı seçilib
Mədəniyyət 21:25
Heykəltaraş Natiq Əliyev beynəlxalq müsabiqənin laureatı seçilib
Qarabağ münaqişəsi ilə bağlı yeni filmin təqdimatı keçirilib
Mədəniyyət 19:18
Qarabağ münaqişəsi ilə bağlı yeni filmin təqdimatı keçirilib
Rəng həyatın sevincidir - SƏRGİDƏN REPORTAJ/FOTOLAR
Mədəniyyət 21:52
Rəng həyatın sevincidir - SƏRGİDƏN REPORTAJ/FOTOLAR
M.F.Axundov haqqında yeni kitab nəşr edilib
Mədəniyyət 09:50
M.F.Axundov haqqında yeni kitab nəşr edilib
Anews TV

Rəsmi Youtube kanalımız

Abunə ol