Lerikdə 8 məktəb bağlanıb - Deputat
20.11.2024 20:46
Lerikdə
8 məktəb bağlanıb. Bunu Milli Məclisin deputatı Vasif Qafarov parlamentin Aqrar siyasət, Ailə, qadın və uşaq məsələləri, Elm və təhsil komitələrinin birgə iclasında gələn ilin büdcə zərfinin müzakirəsi zamanı deyib.
"Bağlanan mətəbin şagirdlərinə digər məktəblərə daşınması üçün söz verilsə də, bu məsələ həll edilməyib. Lerik dağlıq ərazidir. Rayonda olan 36 məktəbdən də 33-nə odun verilməyib. Məktəblər çox soyuqdur. Biz orada qəbul keçirəndə nə qədər soyuq olduğunu özümüz də gördük", - deputat bildirib.
Qafarov həmçinin Lerikin 101 məntəqəsinin qazsız olmasına diqqət çəkərək bildirib ki, 2018-ci ildən sonra Lerikə qaz çəkilməsi tempi aşağı düşüb.
Gülnar Nazimqızı
www.anews.az
Son xəbərlər 
Daha çox
Foto 
Video 
