"Abdullah bəy üzülməyim deyə, evdə interneti bağlayırdı" Türkiyə prezidenti Abdullah Gülün Çankaya Köşkündəki vida mərasimində çıxış edən prezident xanımı Hayrünnisa Gül ölkə mediasından narazılığını bildirib. Teleqraf.com xəbər verir ki, Hayrünnisa Gülün tənqidləri müxalif mətbu orqanlara ünvanlanıb. "Biz çətin dönəmdən keçirik. Haqqımızda nələr yazıldığını, nələr söylənildiyini gördük. Abdullah bəy üzülməyim deyə, evdə interneti bağlayırdı, qəzetlərdən çıxarışları masanın üzərindən götürürdü. Amma mən hər şeyi bilirdim. Abdullah bəy kübarlığından danışmırdı. Ona qarşı çox yanlışlıqlar, sayğısızlıqlar oldu" - deyə, birinci xanım bildirib.  Hayrünnisa Gül "Yenişəfəq" qəzetinin yazarı  Abdülkadir Selviyə "Sənə çox əsəbiləşmişəm" deyərək əlini sıxmaqdan imtina edib. O, əri ilə şəkil çəkdirən jurnalistlər arasında olan  ATV-nin müxbiri Mehmet Akarcanı da tənqid edib.

ANN.Az