"Daha əvvəl əldə edilmiş razılaşmalara uyğun olaraq 2024-cü il mayın 10-da Almatıda Azərbaycanın xarici işlər naziri Ceyhun Bayramov və Ermənistanın xarici işlər naziri Ararat Mirzoyan arasında danışıqlar aparılacaq", - Hacızadə "X" platformasında yazıb.

 

Siyasi məsələlər üzrə ekspert Tural İsmayılov bildirir ki, mayın 10-da keçiriləcək görüşdə razılığa gəlinməyən mövzular öz həllini tapa bilər. 

 

"Azərbaycan və Ermənistan arasında delimitasiya məsələsində bu qədər çeviklik artıq yavaş-yavaş Azərbaycanın qalib tərəf kimi dikdə etdiyi şərtlər fonunda əldə edilirsə, iki ölkə müəyyən məsələlərdə artıq razılığa gəlib. Digər məsələlərdə də ortaq mövqelər tapıla bilər və bu məsələdə Azərbaycanın da kəskin və prinsipial mövqeyi var. Azərbaycan və Ermənistan həm sərhədlərin bundan sonraki delimitasiyası, həm gələcəkdə imzalanacaq sülh müqaviləsinin əsaslarını müzakirə edəcəklər. Bu baxımdan da Azərbaycan və Ermənistan xarici işlər nazirlərinin həm birbaşa, həm də müxtəlif platformalarda görüşlərinin iki ölkə arasındakı münasibətlərin normallaşdırılması və bundan sonra inkişaf etdirilməsi baxımından müstəsnə rola malikdir. 10 may görüşü münasibətlərin yaxşılaşdırılması baxımından da vacib bir irəlləyişin əldə edilməsinə səbəb ola bilər",- İsmayılov əlavə edib.

Bundan əvvəl Qazaxıstan Ermənistan xarici işlər nazirləri Ararat Mirzoyan və Ceyhun Bayramovun Almatıda keçirilən görüşündə vasitəçi olmaqdan imtina edib. 

 

Aprelin 15-də Qazaxıstan prezidenti Kasım-Jomart Tokayev Ermənistanın baş naziri Nikol Paşinyanla görüşdən sonra İrəvan və Bakıya sülhün bağlanması üçün danışıqlar platforması verməyə hazır olduğunu bəyan edib.
 
Gülnar Nazimqızı 

Aytac Zeynalova