Mopedlərlə bağlı cərimələr avqustun 1-dən qüvvəyə minir

 

Dəyişikliyə əsasən, mühərrikinin işçi həcmi 50 kub/sm və daha çox, konstruktiv maksimal sürəti saatda 50 kilometrdən artıq olan bütün tipli, markalı və modelli mexaniki nəqliyyat vasitələrinin qeydiyyatdan keçməməsi sabahdan etibarən inzibati məsuliyyət yaradacaq.

Eyni zamanda, konstruktiv maksimal sürəti saatda 50 kilometrdən artıq olan mexaniki nəqliyyat vasitələrini idarə edən şəxslərdən "A1” altkateqoriyalı sürücülük vəsiqəsi tələb olunacaq.

 

2023-cü ili 5 ayında paytaxt da daxil olmaqla respublika yollarında qaydaları pozan 109 motosiklet, 918 moped idarə edən şəxs barəsində inzibati cərimə tətbiq edilib.

 

2022-ci ildə 270 motosiklet, 2 min 491 moped idarə edən şəxs cərimələnib.

Azərbaycan Respublikasının İnzibati Xətalar Məcəlləsinin 338.4-cü maddəsinə görə velosipedçilər və moped idarə edən şəxslər tərəfindən yol hərəkəti qaydalarının pozulmasına görə 40 manat  cərimə nəzərdə tutulub.
 
Aytac Zeynalova