"Bundan əvvəlki seçiklərdə dəvət göndərdiyimiz  təşkilatların siyahıları var. Təxminən yenidən 30-a yaxın təşkilata dəvət göndərəcəyik”, - Pənahov bildirib. 

 

Bununla yanaşı MSK rəhbəri hansı təşkilatlara müraciət ediləcəyini və Avropa institutlarının da dəvət alıb almayacağını bildirməyib. 

 

O, həmçinin bildirib ki, seçki məntəqələrində veb-kameraların quraşdırılmasına, işlək hala gətirilməsinə başlanmalıdır.

"Prezident seçkilərində veb-kameralarla bağlı heç bir problem olmadı. Mən qeyd etdim ki, bizim həmin qrup bu məsələdə yaxşı iş ortaya qoydu. Yenə də həmin məntəqələrə nümayəndələr göndərilməli, onların işləkliyi yoxlanmalıdır", - Pənahov vurğulayıb. 

Azərbaycan parlamentinə növbədənkənar seçkilər 2024-cü il sentyabrın 1-də keçiriləcək. Azərbaycan Respublikasının Konstitusiyasına görə, bu seçkilər  cari ilin noyabrının birinci həftəsində baş tutmalı idi. Amma ölkənin COP-29-a ev sahibliyi etməsi səbəbindən seçkilərin tarixi dəyişdirilib.