Murad Köhnəqala mühacirətə getdi

Azərbaycanın istedadlı şairi Murad Köhnəqala mühacirətə gedib. Bu barədə artıq bir neçə gündür ki, sosial şəbəkələrdə müzakirələr aparılır. Moderator.az saytı isə Murad Köhnəqalanın xaricə üz tutmasına dindarların təhdidlərinin səbəb olduğunu qeyd edib. Şairin mühacirətə getməsini “Qafqazinfo”ya yaxın dostu Aqşin Yenisey də təsdiqləyib. Aqşin bildirib ki, Murad bir həftə əvvəl İsveçə gedib. Onun sözlərinə görə, Köhnəqlanın ailə üzvləri burada qalıb: “Bizlərdən heç kimə heç bir söz demədən gedib. Ola bilər yaxın adamlarına nəsə deyib”.Aqşin Yenisey bildirib ki, son vaxtlar yaradıcı insanların ölkəni tərk etməsi belə bir təəssürat yaradır ki, Azərbaycanda yaradıcı mühit yoxdur.Qeyd edək ki, bir neçə həftə əvvəl xanım yazar Günel Mövlud Almaniyaya mühacirətə getmiş və həyatına radikal dindarlar tərəfindən təhlükə olduğunu bildirmişdi.ANN.Az