Elm və Təhsil Nazirliyi məktəblərdə direktorların səlahiyyərlərimin artırılmasının tərəfdarıdır. Bunu elm və təhsil naziri Emin Əmrullayev jurnalistlər üçün keçirilən brifinqdə deyib.

"Direktorla görüş kifayət qədər maraqlı keçib. Biz məktəb direktorlarının səlahiyyətlərinin artırılmasının tərəfdarıyıq. Sadəcə baxmalıyıq ki, bu səlahiyyətlər əvvəl hansı səbəblərdən alınır. Bunu araşdırmalıyıq. Əsas məsələ budur",- nazir bildirib.

Bundan əvvəl elm və təhsil naziri çıxışında bildirib ki, Bakıda elə məktəb direktorları var ki, onların qəbuluna düşmək olmur. "Məktəb ictimai qurumdur. İctimaiyyətlə münasibət qurulması vacibdir. Məktəb valideynlərə mesajı necə çatdırır? Bakının elə məktəb direktorları var ki, onların qəbuluna düşmək mənim qəbuma düşməkdən çətindir. Belə hallar var. Amma çox deyil. Bir dənə belə hal varsa deməli problem var. Valideynlərlə məktəb rəhbərliyi görüşməlidir",- nazir Bakı şəhəri təhsil işçilərinin sentyabr konfransında çıxışı zamanı deyib.

Nazir bildirib ki, məktəb şagidlərin marağına uyğun işləməlidir. Bu gün şagirdə nə öyrədirik məsələsi ön plana çəkilməlidir. 

www.anews.az