ANN.Az xarici ölkə mediasına istinadən xəbər verir ki, "Ferbes" jurnalının keçirdiyi sorğu nəticəsində Merkel növbəti dəfə bu ada layiq görülüb. Qeyd edək ki, son 12 ildə dünyanın ən güclü qadınları siyahısında xanım baş nazir 10 dəfə birinci yeri tutub. Son 5 ildə isə ardıcıl olaraq siyahıya başçılıq edir.

Siyahıda Merkelden sonra ABŞ-ın keçmiş xarici işlər naziri və Demokratik Partiya sədrliyinə namizəd olan Hillari Klinton gəlir. Bill Qeytsin xanımı Melinda Qeyts 3-cü, ABŞ Mərkəzi Bankının sədri Ceynet Yellen 4-cü, "General Motors"un sədri Mari Barra 5-ci, İMF sədri Kristina Laqarde 6-cı, Braziliya prezidenti Dilma Russeff 7-ci olub.

Siyahıda 8-ci yerdə "Facebook"un direktoru  Şerl Sandberq, 9-cu yerdə "YouTube"un direktoru Susan Vojsiski dayanır. Dünyanın 10-cu ən güclü qadını Mişel Obama olub.

"Forbes"in dünyanın ən güclü 100 qadını siyahısına türk qadın da daxil olub. Bu Gülər Sabançıdır. O, "Sabançı Holdinq"in idarə heyətinin sədridir. G.Sabançı 70-ci yerdə qərarlaşıb.