Ombudsman Aparatının nümayəndələri 1 saylı Bakı İstintaq Təcridxanasında saxlanılan jurnalist Hafiz Babalı ilə görüşübr. Bu barədə onun ailə üzvləri məlumat verib.
Mənbənin verdiyi məlumata görə, mayın 2-də baş tutan görüş zamanı Babalı həbsinin siyasi xarakter daşıdığını və dekabrın 13-dən indiyə kimi onunla bağlı heç bir istintaq hərəkəti həyata keçirilmədiyini bildirib.
Jurnalist vurğulayıb ki, Cinayət Məcəlləsinin 32,33 və 34-cü maddələrinin şərhinə dair Konstitusiya Məhkəməsinin qərarına əsasən o, əlbir olan bir qrupun üzvü sayıla bilməz.
Babalı həmçinin səhhətində ciddi problemlərin olduğunu bildirib və ombusman aparatının nümayəndələrindən bu barədə məlumatı müvafiq instansiyalara çatdırmağı xahiş edib.
Ombudsman Aparatının nümayəndələri Hafiz Babalının dediklərini araşdıracaqlarını vəd ediblər.
Turan agentliyinin iqtisadi xəbərlər şöbəsinin redaktoru Hafiz Babalı dekabrın 13-də saxlanılıb.
O, Azərbaycan Respublikası Cinayət Məcəlləsinin xarici valyuta qaçaqmalçılığını nəzərdə tutan maddəsi ilə ittiham olunur.
Məhkəmənin qərarı ilə o, üç ay müddətinə ilkin istintaq müddətinə həbs edilib.
N.Təbrizli
www.anews.az
Bizi sosial şəbəkələrdə izləyin !
