Yanvarın 16-da Bakı vaxtı ilə 17:38-də Amerika kino akademiyası 2013-cü ilin nəticələrinə əsasən “Oskar” mükafatçılarının siyahısını açıqlayacaqdır. Mərasim Los-Ancelesin Beverli-Hills rayonunda Samuel Qolduin teatrında keçiriləcəkdir.AzərTAc İTAR TASS agentliyinə istinadla xəbər verir ki, “Oskar” mükafatına namizədlərin siyahısını Akademiyanın prezidenti Şeril Bun Ayzeks və aktyor Kris Hemsvort elan edəcəklər.Mükafatın əsas - “ən yaxşı film” nominasiyasına adətən beşdən ona qədər film layiq görülür. Kinotənqidçilərin proqnozuna əsasən, bu il siyahıya Stiv Makkuinin real hadisələr əsasında çəkdiyi “12 il qul kimi” filmi, baş rollarda Sandra Bullok və Corc Kluninin çəkildiyi Alfonso Kuaronun “Qravitasiya” filmi, Aleksandr Peynin ağ-qara janrda çəkdiyi “Nebraska” tragikomediyası və digər filmlər daxil olacaqdır.Rejissor Devid Rasselin artıq üç “Qızıl qlobus” qazanmış “Amerikasayağı fırıldaq” filmi də əsas namizədlər sırasındadır. ANN.Az