"Bu gün Ankaraya səfərim var idi və hazırda qanunsuz olaraq ölkədən çıxışıma Daxili Işlər Nazirliyi tərəfindən qadağa qoyulub. Hazırda Heydər Əliyev adına hava limanındayam. Məsələ ilə bağlı Daxili Işlər Nazirliyinin rəhbərliyi məlumatlandırılıb.
Əgər bu anlaşılmazlıq qısa zamanda ortadan qaldırılmasa, o zaman xalqımıza, media nümayəndələrinə və beynəlxalq ictumaiyyətə geniş məlumat veriləcək. Mən hələ də ümid edirəm ki, bu kiçik bir məmur yanlışlığıdır", Anar Əsədli bildirib.
Anar Əsədli bir müddət əvvəl tanışları Oqtay Qasımov və İlham Hüseynovun şikayətləri əsasında DİN-in Baş Mütəşəkkil Cinayətkarlıqla Mübarizə İdarəsinə dəvət olunub. Şikayətçilər Anar Əsədlini onlara olan borclarını qaytarmamaqda ittiham edirlər.
Azərbaycan Yüksəliş Partiyası 16 iyul 2020-ci ildə elan olunub. Partiyanın Təsis Qurultayı 6 dekabr 2020-ci ildə keçirilib, 15 oktyabr 2021-ci ildə Ədliyyə Nazirliyi tərəfindən dövlət qeydiyyatına alınıb.
Partiyanın strukturu Baş Məclis, Başqanlıq Heyəti, Siyasi Heyət, İcra Aparatı və Məsləhət Şurasından ibarətdir.
Aytac Zeynalova
www.anews.az
Bizi sosial şəbəkələrdə izləyin !
