Əgər Rəsulzadə, Nərimanov, Bağırov sağ olsaydılar,Əliyevi bütün əsrlərin lideri adlandırardılar - Zahid Oruc

Azərbaycanın Vətən müharibəsində qazandığı Qələbə olmasaydı, Vaşinqton görüşləri də mümkün olmazdı. Bunu Milli Məclisin deputatı Zahid Oruc bildirib. 

“8 avqust Zirvəsi 8 noyabr Zəfərinin davamıdır. Ali Baş Komandan sübut etdi ki, o, yalnız silahlı müharibədə deyil, sülh müharibəsində də qələbə qazanmağı bacardı. Bunu Milli Məclisin deputatı Zahid Oruc Vaşinqtonda keçirilən 8 avqust Zirvə görüşünün nəticələrini şərh edərək bildirib. 

Onun sözlərinə görə, Ağ Evdə paraflanan və 11 avqustda açıqlanan sülh müqaviləsi layihəsində Qarabağ ifadəsinin yer almaması Azərbaycanın tam qələbəsinin tanınmasıdır. Oruc həmçinin ATƏT-in Minsk qrupunun ləğvini müstəqillik tarixinin ən mühüm hadisələrindən biri adlandırıb.

Deputat əlavə edib ki, imzalanan sənəddə Tramp yolu adlanan Zəngəzur dəhlizinin açılması regionu geosiyasi qarşıdurma meydanına deyil, beynəlxalq tranzit qovşağına çevirəcək.

“Naxçıvanla maneəsiz birləşmək babalarımızın məğlub taleyini dəyişmək deməkdir. Əgər Rəsulzadə, Nərimanov, Bağırov sağ olsaydılar, İlham Əliyevi bizim itirdiklərimizi qaytardığı üçün bütün əsrlərin lideri adlandırardılar”, — Oruc vurğulayıb.

O qeyd edib ki, Vaşinqton razılaşmalarını 100-dən çox dövlət və onlarla beynəlxalq təşkilat alqışlayıb, bu da Azərbaycanın qələbəsinin beynəlxalq səviyyədə tanınması deməkdir.

N.Təbrizli