Putinin Türkiyəyə səfəri ərzində Taxıl sazişini bərpası, Suriyadaki durumu, Zəngəzur dəhlizini və Rusiya-Ukrayna münasibətlərini də danışacaqları planlaşdırılır. Həm rəsmi Ankara, həm də Moskva görüşü olacağı planlaşdırılır.
Politoloq İlyas Hüseynov Putin və Ərdoğanın görüşünün Azərbaycana necə təsirləri ola biləcəyini və Zəngəzur dəhlizi haqqında necə qərarlar verilə biləcəyi haqqında fikirlərini bölüşüb.
"Avqustun sonunda Türkiyə prezidenti Rəcəb Tayyib Ərdoğanla Rusiya Federasiyasının prezidenti Vladimir Putin arasında görüş böyük bir coğrafiya üçün mühüm aktuallıq kəsb edir. Görüşdə bir sıra məsələlər müzakirə olunacaq. Taxıl dəhlizindən tutmuş Rusiya və Türkiyənin maraqlarının kəsişdiyi, bir sıra bölgələr masaya yatırılacaq və burda Suriyadaki durumla yanaşı Cənubi Qafqazda da gedən proseslər əsas müzakirə mövzusu kimi diqqət çəkir. Bizim üçün maraqlı olan məsələ, Zəngəzur dəhlizinin açılması ilə bağlıdır. Çünki, iqtisadi və nəqliyyat əlaqələrinin bərpa olunması, kommunikasiya hətlərinin açılması, nəqliyyat arteriyalarının istifadəyə verilməsi böyük bir coğrafiyada sülhü, sabitliyi və təhlükəsizliyi möhkəmləndirəcək. Və bir sıra ekspertlərin də bildirdiyinə görə, ticari münasibətlər daha da inkişaf etdikcə, sülhün dayanıqlığı da daha da möhkəmlənir. 3 ilə yaxındır ki, bu dəhlizin açılması barədə müzakirələr hələ də praktiki nəticələr verməyib. 2021-ci ilin 11 yanvar tarixində, Moskvada Azərbaycan Ermənistan və Rusiya liderlərinin imzaladığı bəyanatla işçi qrup formalaşdı. Bu işçi qrup ötən dövr ərzində, fiziki təmaslar həyata keçirdi və virtual görüşlər oldu lakin, Ermənistan qeyri-konstruktiv münasibət sərgiləyir. Burada, əvvəlcə kommunikasiyalar üzərində suverənlik fikrini irəli çəkirdi. Yol və dəhliz ritorikası ətrafında müzakirələr gedirdi. Amma hazırda prosesi yubadmaq və vaxt uzatmaq üçün heç bir əsas yoxdur. Və burada artıq belə görünür ki, regional mühüm geo-siyasi aktorlar müzakirə ilə bu problemin öhdəsindən gələ bilərlər. Lakin artıq regional geo-siyasi reallıqlar və danışıqlar kontekstində artıq Avropa İttifaqı da bu prosesin tərkibindədir. Bir sıra hallarda Vaşinqton da bu prosesin arxasında dayanır. Və bu prosesin daha da sürətlənməsi ilə nəticələnə bilər”, - İlyas Hüseynov bildirib.
O həmçinin deyib ki, regional güc mərkəzi kimi Türkiyə və Rusiyanın mühüm təsir elementləri vardır ki, bu təsir nəticəsində regional proseslər daha da sürətlənə bilər.
Milli Məclisin deputatı Aydın Mirzəzadə Putin və Ərdoğanın görüşünün Azərbaycana üzərində nə kimi effektləri ola biləcəyi ilə bağlı fikirlərini bildirib.
Rabia Hale Seferoğlu
www.anews.az
Bizi sosial şəbəkələrdə izləyin !
